+28 °С
Болотло
Мәғариф
21 Ғинуар 2025, 07:55
Нисә градус һыуыҡта мәктәпкә бармаҫҡа мөмкин?
Синоптиктарҙың фаразы буйынса, алдағы көндәрҙә республикала һауа температураһының түбәнәйеүе көтөлә. Шуға күрә уҡыусыларҙың, айырыуса башланғыс кластарҙа уҡығандарҙың ата-әсәләренә иртән балаларҙы мәктәпкә оҙатҡанда һауа температураһына иғтибар итергә кәрәк. Нисә градус булғанда мәктәпкә бармаҫҡа мөмкин һуң? (Зиннур Боҫҡонов фотоһы).
Нисә градус һыуыҡта мәктәпкә бармаҫҡа мөмкин?
Дөйөм белем биреү учреждениеларына йөрөү өсөн нормативтар әүәлгесә: 23 градусҡаса түбәнәйһә — ауылда, 25 градуста ҡалала 1, 2, 3 һәм 4 класс уҡыусылары дәрес ҡалдыра ала.
Һауа температураһы 25 градустан түбәнәйһә — ауылда, 27 градус һыуыҡта ҡалала 5-9 класс уҡыусылары дәрескә бармаһа була. Ауыл мәктәптәренең өлкән класс уҡыусыларына — 30, ҡаланыҡыларға иһә 32 градус һыуыҡта мәктәпкә бармаҫҡа мөмкин.
Нормативтар уҡытыусыларға ҡағылмай, улар, температура нисә градус булыуға ҡарамаҫтан, мәктәптә булырға тейеш. Шуға күрә кластан бер уҡыусы килһә лә, уҡытыусылар уның өсөн дәрес үткәрергә бурыслы.
Зиннур Боҫҡонов фотоһы.
