Хөкүмәт премияһына лайыҡ булды!

Кисә, 3 октябрҙә, Башҡортостан Республикаһы Ауыл хужалығы министрлығының колонналар залында "Башҡортостан Республикаһының иң яҡшы башҡорт, рус, туған тел уҡытыусылары һәм полилингваль күп профилле дөйөм белем биреү ойошмаларында уҡыу предметтарын билингваль һәм полилингваль нигеҙҙә алып барыусы уҡытыусылар" конкурсында еңеүселәрҙе бүләкләү тантанаһы үтте.

Мәғариф алдынғыһы Иҫке Собханғол урта мәктәбенең башҡорт теле һәм әҙәбиәте уҡытыусыһы Сәғитова Резеда Ғәйзулла ҡыҙы Башҡортостан Республикаһы хөкүмәтенең аҡсалата премияһына лайыҡ булды. Еңеүегеҙ менән ҡайнар ҡотлайбыҙ, Резеда Ғәйзулла ҡыҙы! Киләсәктә лә эшегеҙҙә уңыштар, еңеүҙәр һеҙгә юлдаш булһын!