"Урал батыр" эпосын башҡарыусы йәш сәсәндәр конкурсына йомғаҡ яһалды

11 апрелдә 1-се турҙа 1-4 класс, 5-7 класс, 8-11 класс уҡыусылары эпосты яттан һөйләп ишеттерһә, 12 апрелдә мәктәптең фольклор ансамблдәре эпостан өҙөктәр сәхнәләштерҙе.

Үҫеп килгән быуынға үҙ халҡының тарихын, ауыҙ-тел ижадын өйрәтеү, ҡыҙыҡһыныу уятыу, Тыуған ергә һөйөү тәрбиәләү, сәсәнлек, тапҡырлыҡ телмәрен үҫтереүҙе маҡсат итеп алған конкурсҡа мәртәбәле ҡунаҡтар ҙа саҡырылды. Сарала Мәғариф министрлығының махсус белем биреү бүлеге белгесе Миләүшә Латыпова, филология фәндәре докторы Нәркәс  Хөбөтдинова, «Аҡтирмә» милли мәҙәни үҙәге рәйесе Рәйсә Үзбәкова, ошо уҡ ойошманың ағзаһы Мәрүә Ғилметдинова ҡатнашты.

Конкурс һөҙөмтәләре буйынса еңеүселәр билдәләнде һәм уларға район мәғариф бүлегенең Маҡтау ҡағыҙҙары тапшырылды.

Эпосты сәхнәләштереү өлөшөндә Гран-прины Байназар мәктәбе уҡыусылары яуланы.

I урын Иҫке Собханғол һәм Иҫке Монасип мәктәбенә бирелде.

II урынға Әбделмәмбәт, Аҫҡар, Ырғыҙлы мәктәптәре лайыҡ булды.

Тулыраҡ – гәзиттә.