Төп маҡсат - муниципаль мәғариф системаһы үҫешенең йөкмәткеһен яңыртыу һәм сифатын яҡшыртыу

-Белем биреү балалар баҡсаһынан башлана. Шуға һүҙҙе  лә шунан башларға кәрәктер.

-Эйе, әлбиттә, балаға белем биреүҙең тәүге орлоҡтары балалар баҡсаларында һалына.

Районда 30 мәктәпкәсә белем биреү ойошмаһы бар: 6 балалар баҡсаһы юридик шәхес булып тора,  24 мәктәп янындағы мәктәпкәсә төркөм эшләй.

Районда 1 йәштән 7 йәшкә тиклемге 1823 бала иҫәпләнә,  шуларҙың 1150-һе балалар баҡсаһына йөрөй. Мәктәпкәсә белем биреү менән тәьмин ителеш 63%. Мәктәпкәсә белем биреү  учреждениеларына йөрөмәгән 6,5 йәштән 7 йәшкә тиклемге буласаҡ 1-се класс уҡыусыларының барыһы ла дөйөм белем биреү ойошмалары базаһындағы мәктәпкәсә әҙерлек менән тәьмин ителгән.

-Мәктәп – киләсәк бишеге, тибеҙ. Мәктәптә белем биреү юҫығында нимәләр әйтерһегеҙ?

-Районда  34 белем биреү ойошмаһы бар:

- 6 башланғыс мәктәп-балалар баҡсаһы;

- 2 төп дөйөм белем биреү мәктәбе;

- 20 филиалды үҙ эсенә алған 6 урта дөйөм белем биреү мәктәбендә 3082 уҡыусы белем алды.

Белем биреүҙең муниципаль системаһы үҫеше йүнәлештәренең береһе - юғары кластарҙа профилле уҡытыу. 2 базалы мәктәптә 10-11-се кластарҙа уҡыусыларҙың 60%-ы профилле уҡытыуға йәлеп ителгән.

Иҫке Собханғол урта мәктәбендә - физика-химия, химия-биология, социаль-иҡтисади йүнәлеш, Байназар урта мәктәбендә социаль-иҡтисади һәм химия-биология йүнәлештәре булдырылған.

Уҡыусыларға сифатлы белем биреүҙә тигеҙ шарттар булдырыу өсөн райондың 24 ауылынан 472 уҡыусыны 33 мәктәп автобусында даими йөрөтөү ойошторолдо.

Райондың 4 мәктәбендә йәшәү һәм уҡыу өсөн бөтә уңайлыҡтар булдырылған интернат бар. Бөтә уҡыусылар ҙа беренсе сменала уҡыны.

Йыл йомғаҡтары буйынса райондың белем биреү учреждениеларында өлгәш - 100%, сифат - 49%.

2022-2023 уҡыу йылында дөйөм белем биреү ойошмаларына 271 баланы 1-се класҡа алыу планлаштырылды, уларҙың 203-ө күп балалы аҙ тәьмин ителгән ғаиләнән булғанға күрә, мәктәп кәрәк-яраҡтары тапшырылды.  Мәктәп формаһы өсөн компенсацияны 2019 йылда - 919, 2020 йылда - 750, 2021 йылда  838 бала алды.

-Балаларға өҫтәлмә белем биреү системаһы ла баланың үҫеше өсөн ҙур мөмкинлектәр аса...

-Районда балалар өсөн 2 өҫтәлмә белем биреү ойошмаһы эшләй: «Балалар-үҫмерҙәр спорт мәктәбе» һәм «Балалар ижады үҙәге».

Балалар-үҫмерҙәр спорт мәктәбе эшмәкәрлеге балаларға физик тәрбиә биреүгә  йүнәлтелгән программаны тормошҡа ашыра һәм өҫтәлмә белем биреү программаһы буйынса физкультура-спорт эшен ойоштора.

2021–2022 уҡыу йылында балалар-үҫмерҙәр спорт мәктәбендә 256 уҡыусы шөғөлләнде. 5 тренер-уҡытыусы эшләне. Спорт төрҙәре: волейбол, мини-футбол, саңғы, хоккей, милли көрәш, йөҙөү. 2021-2022 уҡыу йылында 9 спорт төрө буйынса 10 район ярышы уҙғарылды. Район ярыштарында 1134 уҡыусы, зона ярыштарында 9 спорт төрө буйынса 124 уҡыусы, республика финал ярыштарында 47 уҡыусы ҡатнашты. Башҡортостан республикаһы уҡыусыларының  ХХIV спартакиадаһы йомғаҡтары буйынса республиканың 54 районы араһында Бөрйән 9-сы урынды биләне.

(Дауамы гәзиттә)