Бөтә яңылыҡтар
Конкурстар
3 Октябрь 2023, 21:00

Һеҙ иң яҡшы уҡытыусы!

Уҡытыусы! Ә кем һуң ул? Уҡытыусы баланы ҡулынан тотоп белем донъяһына алып инеүсе, барлыҡ һөнәрҙәргә юл асыусы кеше ул. Уҡытыусы хеҙмәте ауыр ҙа, яуаплы ла, шул уҡ ваҡытта ҡыҙыҡлы ла. Ғүмерен балаларға бағышлаған, уларҙы киләсәк тормошҡа әҙерләүсе, бар эшкә күңелен, йөрәк йылыһын һалған, тынғыһыҙ, көслө рухлы кеше генә уҡытыусы була ала.

Һеҙ иң яҡшы уҡытыусы!
Һеҙ иң яҡшы уҡытыусы!

Беҙҙең Баҙал башланғыс урта мәктәбендә эшләүсе уҡытыусы Ишкинина Светлана Ғәле ҡыҙы тап шундайҙарҙың береһе. Ул йомшаҡ күңелле, сабыр, күп белемле һәм хөрмәткә лайыҡ уҡытыусы.
Хөрмәтле Светлана Ғәле ҡыҙы! Мин һеҙҙе ысын күңелдән Уҡытыусылар көнө менән ҡайнар ҡотлайым. Һеҙ иң яҡшы уҡытыусы! Беҙгә күп белем биргән өсөн ҙур рәхмәттәремде әйткем килә. Һеҙгә бәхетле оҙон ғүмер, күтәренке кәйеф, эшегеҙҙә уңыштар, ныҡлы сәләмәтлек, тыныс көндәр һәм өмөтлө киләсәк теләйем. Беҙ һеҙҙе яратабыҙ һәм хөрмәт итәбеҙ.

Баҙал башланғыс урта мәктәбенең 4 синыф уҡыусыһы Ғүмәрова Әдилә

Автор:
Читайте нас в