Бөтә яңылыҡтар
Конкурстар
22 Ғинуар 2018, 13:38

Атайым - минең ғорурлығым!

Ватанды һаҡлаусылар көнө айҡанлы ғаиләгә һәм балаларға социаль ярҙам күрһәтеү бүлеге мәктәп уҡыусылары араһында «Атайым - минең ғорурлығым» тип аталған инша конкурсы иғлан итә.

Ватанды һаҡлаусылар көнө айҡанлы ғаиләгә һәм балаларға социаль ярҙам күрһәтеү бүлеге мәктәп уҡыусылары араһында «Атайым - минең ғорурлығым» тип аталған инша конкурсы иғлан итә. Атайҙарға ҡарата хөрмәт, ихтирам, йылы тойғо-кисерештәрҙе сағылдырған иншалар көтөп ҡалабыҙ. Шулай уҡ ни өсөн атайығыҙ менән ғорурланыуығыҙ, атайығыҙҙы ниндәй матур эштәрегеҙ, уңыштарығыҙ менән шатландырып тороуығыҙ хаҡында ла яҙырға онотмағыҙ!

Иншаның күләме өс биттән артмаһын.

Еңеүселәр ике категорияла билдәләнәсәк:

1-се категория - 9 - 12 йәш;
2-се категория - 13 - 17 йәш.

Конкурс 15 ғинуарҙан 16 февралгә тиклем уҙғарыла. Еңеүселәрҙе һайлап алыу 16-20 февралдә, бүләкләү 22 февраль көнө үтәсәк.
Конкурс эштәрен Иҫке Собханғол ауылы, Салауат урамы, 30, адресы буйынса 8-се кабинетҡа алып килеп тапшырырға кәрәк.
Үҙегеҙ тураһында ҡыҫҡаса мәғлүмәт - исем, фамилия, атайығыҙҙың исеме, тыуған көнөгөҙ һәм йылығыҙ, тулы адрес (ауыл, урам, йорт һаны), шулай уҡ телефон номерығыҙҙы ла яҙырға онотмағыҙ.

Белешмә өсөн телефон: 3-66-74.
Еңеүселәргә Маҡтау ҡағыҙы, иҫтәлекле бүләктәр тапшырыласаҡ.

Ғаиләгә һәм балаларға социаль ярҙам күрһәтеү бүлеге.