«Башҡорт сувениры» оҫталары, әйҙәгеҙ, конкурсҡа!

Районда “Бөрйән балы – башҡорт даны” этнофестивале үтә. Сара сиктәрендә “Башҡорт сувениры” тигән конкурс ойошторола. Унда теләгән һәр кем ҡатнаша ала.

Конкурс түбәндәге

номинациялар

буйынса үтә:

- “Ҡайын туҙынан биҙәкләп әйберҙәр эшләү”;

- “Ағасты һәм ташты һырлап биҙәкләү”;

- “Ағасҡа һәм металға биҙәк төшөрөү”;

- “Бал фантазияһы” (фестиваль сувенирҙары: бал һалыу өсөн зауыҡ менән эшләнгән тырыздар, батмандар һ.б.).

Эштәр темаға, художество кимәлгә тап килеүенә, шулай уҡ ҡатмарлылығына, үҙенсәлеклелегенә ҡарап баһалана.

Һәр номинацияла еңеүселәр дипломдар һәм ҡиммәтле бүләктәр менән бүләкләнә, ә иң яҡшы оҫта этнофестивалдең төп призына лайыҡ була.

Шулай уҡ түбәндәге дипломдар ҡаралған:

- “Халыҡ йолаларын һаҡлаған һәм үҫтергән өсөн”;

- “Үҙенсәлекле авторлыҡ идеялары өсөн”;

- “Биҙәү-ғәмәли (декоративно-прикладной) сәнғәт әҫәрҙәрен тыуҙырғанда заманса технологияларҙы һәм ысулдарҙы ҡулланған өсөн”.