Беҙҙекеләр - беренсе!

Конкурста ойошманың эше 4 категория буйынса баһалана: учреждениеның төп финанс-иҡтисади күрһәткестәре; хеҙмәткәрҙәрҙең мәшғүллеге һәм уларҙың квалификацияһын күтәреү; хеҙмәткә түләү һәм социаль гарантиялар; хеҙмәтте һаҡлау.

2022 йыл йомғаҡтары күрһәтеүенсә, барлыҡ күрһәткестәр буйынса ла Бөрйән район үҙәк дауаханаһы (ул ваҡытта баш табип И. Фәтҡуллин) Башҡортостандың ауыл ерендә урынлашҡан һаулыҡ һаҡлау ойошмалары араһында беренсе урын яуланы. Әйткәндәй, дауахана 2019 йыда ла ошо конкурста беренселекте яулаған.

Район үҙәк дауаханаһын, барлыҡ медицина хеҙмәткәрҙәрен был шатлыҡлы ваҡиға менән ҡотлайбыҙ һәм киләсәктә лә уңыштар насип булыуын теләйбеҙ.