Исемдәре кире ҡайтты ла ул...

Уның ғаиләһе сәйәси золом дауылының тәүге ағымына уҡ эләгә.
Хәҙрәт үҙе ҡулға алынғас, ғаиләһен борҡотоп өйҙән ҡыуып сығаралар. Мал-мөлкәтен тартып алғас, ҡатындары (олоһо – Хәҙисә, уртансыһы – Өммөгөлсөм, кесеһе – Алмабикә) бала-сағалары менән тирә-яҡҡа таралышып бөтә.

“Мин Совет власын ике ҡуллап ҡаршы алдым, беҙҙең власть – фәҡирҙәр власе, - тип һөйләр булған ул, йылдар үткәс. – Ә ул мине һөргөнгә лә ебәрҙе, атай-олатайҙарым мираҫы, ырыу тамғаһы ҡуйылған 70-тән артыҡ солоҡ ағастарымды тартып алды, ул ғына түгел, етмәһә, үҙ атымды йыл һайын һатып алып егеп йөрөрмен тип һис кенә лә уйламағайным”. Ысынлап та, Хрущев ваҡытында ат тотам, тиһәң, аттың хаҡындай һалым түләргә кәрәк булған.