Бөгөн Бөрйәндә «Һатып алыу эшмәкәрлегенең һөҙөмтәлелеген күтәреү» темаһына күсмә семинар үтте

- Дәүләт комитеты һатып алыу процесында ҡатнашыусылар өсөн даими рәүештә семинарҙар, кәңәшмәләр үткәрә. Был саралар дәүләт һәм бизнес араһында үҙ-ара килешеп эш итеүҙе нығытыуға йүнәлтелгән. Эшҡыуарлыҡ һәм инвестиция мөхитен яҡшыртыу маҡсатында Дәүләт комитеты ашығыс медицина ярҙамын һатып алыуҙарға йәлеп итеү буйынса методик тәҡдимдәр һәм саралар әҙерләй, - тип билдәләне Башҡортостандың Конкурентлы сәйәсәт буйынса дәүләт комитеты рәйесе Гөлшат Арыҫланова.

Семинар барышында Дәүләт комитеты хеҙмәткәрҙәре 2022 йылдың 7 айы өсөн һатып алыуҙар мониторингы һөҙөмтәләре менән таныштырҙы, шулай уҡ АТМО ярҙамсы системаһында бәләкәй һатып алыуҙар үткәреү этаптарын аңлатты. Дәүләт комитеты Рәсәй субъекттарында Инвестиция мөхите торошоноң милли рейтингының «Бәләкәй эшҡыуарлыҡ субъекттары менән дәүләт һәм муниципаль контракттар өлөшө» күрһәткесенә анализ яһаны.