Ветерандарға бүләк

“Бүләккә – “Таң” акцияһын иғлан итеү менән уға йәнә бер рухлы замандашыбыҙ ҡушылды. Ырғыҙлы ауыл биләмәһе хакимиәте башлығы Ғаяз Килдейәров биләмәләге ике тыл ветеранына - Мәҡсүт ауылынан Миңзифа Мостафинаға һәм Ырғыҙлы ауылынан Хәспиямал Сирбаеваға 2019 йылдың икенсе ярты йыллығына “Таң”ға подписка бүләк итте.

- Ветерандарыбыҙға иғтибар күрһәтеү йөҙөнән яҙҙырғайным, бик ҡыуандылар, - ти хакимиәт башлығы.

Афарин, Ғаяз Йәмил улы! Артабан, һеҙҙән үрнәк алып, кемдәр ҡушылыр икән акцияға?