Иҫке Собханғол урта мәктәбендә Республика инженер лицей-интернаты һәм “Аврора” таланттарҙы үҫтереү үҙәгенең "Изотоп" йәйге химия мәктәбе эшен башланы.
Бөрйән районынан 22 һәм республика район-ҡалаларынан 76 уҡыусыны химияға булған ҡыҙыҡһыныу берләштергән. Улар барыһы ла химия фәненән республика олимпиадаларында яҡшы һөҙөмтә күрһәткән балалар.
16 химик остаз һәм "Аврора"ның 4 вожатыйы уҡыусыларға файҙалы, күңелле, ҡыҙыҡлы ял вәғәҙәләй.