Урал батыр йыя вариҫтарын

- Республиканың 47 район һәм ҡалаһынан балалар килеүе көтөлә. Был юлы конкурста алдан һайлап алыу турын үткән командалар ғына ҡатнаша.

Быйыл командалар парады район үҙәгендә үтәсәк. Быға тиклем ул лагерҙа ғына үтте һәм теләгән халыҡ уны ҡарай алманы. Парадта балалар баҡсалары тәрбиәләнеүселәре араһында үткән “Урал батыр” эпосын ятҡа һөйләүселәр бәйгеләрендә еңеү яулаған 12 бала ла ҡатнашасаҡ.

Сараны асыу тантанаһы парадтан һуң район мәҙәниәт һарайында үтә. Унан һуң район үҙәгендә арҙаҡлы яҡташыбыҙ, фән докторы, академик Әхмәт Сөләймәновтың йорт-музейын (элекке пионерҙар йортонда) асыу тантанаһы планлаштырылған.

Беренсе турҙа 55 бала “Урал батыр” эпосын ятҡа һөйләү буйынса көс һынашасаҡ. Икенсе турҙа - эпосты сәхнәләштереү бәйгеһендә – 77 бала ҡатнаша.

Составында фән докторҙары, вуз уҡытыусылары булған жюри менән сәсәниә Розалия Солтангәрәева етәкселек итәсәк.
Һәр кис һайын дискотека, ял кисәләре, усаҡ янында уйындар ойоштороласаҡ. Балалар Иҫке Собханғол мәктәбе интернатында, лагерҙағы өйҙәрҙә йәшәйәсәк. 5 тапҡыр туҡланыу ҡаралған, - тине Р. Ғүмәрова.

- Парад (район үҙәгендә) – 10.00-10.30 сәғәттәрҙә;
- Сараны асыу тантанаһы (район мәҙәниәт һарайында) – 11.00-12.00;
- “Урал батыр” эпосын ятҡа һөйләүселәр конкурсы (лагерҙа) – 16.00-20.00;
- “Беҙ бөрйәндәр – бер йәндәр!”, дискотека (ял программалары) – 20.30-22.30.

29 июнь

- Шүлгән мәмерйәһенә сәйәхәт – 09.00-12.00;
- “Урал батыр” эпосынан өҙөктәр сәхнәләштереү – 09.00-12.00 (тәүге төркөм), 16.00-20.00 (икенсе төркөм);
“Беҙ – Урал батыр вариҫтары”, дискотека (ял программалары) – 21.30-23.00.

30 июнь

- Конкурсты ябыу – 10.00-12.00.