Мин әсәйҙәр көнөн иртә менән әсәйемде ҡотлауҙан башлайым

Азамат Ҡарағолов:
- Әсәйҙәр көнө йыл һайын ноябрь аҙағында үткәрелә. Мин әсәйҙәр көнөн иртә менән әсәйемде ҡотлауҙан башлайым һәм уға арнап шиғыр һәм иншалар яҙам. Тағы ла әсәйемә табын әҙерләшәм.
Минең әсәйем - Буранғолова Рәзилә Сәғәҙәтдин ҡыҙы. 1974 йылдың 18 мартында Бөрйән районының Әбделмәмбәт ауылында ишле ғаиләлә донъяға килә. Әсәйем бухгалтер һәм ашнаҡсы һөнәрҙәрен үҙләштерә. Әлеге ваҡытта хат ташыусы булып эшләй. Мин әсәйемде байрам менән ҡотлап, уға иҫәнлек-һаулыҡ теләйем. Бер ҡасан да ауырымаһын, һыҙланмаһын, шат, көләс булһын.