Хөрмәтле элемтә тармағы хеҙмәткәрҙәре һәм ветерандары!

Бөгөнгө тормошобоҙҙо элемтә сараларынан тыш күҙ алдына килтереүе ауыр. Улар беҙҙең көнкүреште тағы ла уңайлыраҡ итә, социаль-иҡтисади үҫешкә йоғонто яһай һәм киң аралашыу мөмкинлеге бирә.

Район элемтә тармағы хеҙмәткәрҙәренең яуаплы бурыстарҙы ваҡытында башҡарыуҙарына, уларҙы халыҡ ихтыяждары талаптарына ярашлы сифатта тотоуҙарына киләсәктә лә ышанабыҙ.

Һөнәри байрамдары уңайынан үҙҙәренең тәжрибәһен һәм белемдәрен йәштәргә тапшырған, күп йыллыҡ изге традицияларҙы һаҡлаған тармаҡ ветерандарына айырым рәхмәт белдерәм.

Һеҙгә ныҡлы һаулыҡ, ғаилә именлеге, рух күтәренкелеге һәм районыбыҙ мәнфәғәтенә яңы уңыштар теләйем!