Сәйгә тиҙ генә әҙерләнә торған тәмлекәс

Миксер менән 3 йомортҡаны 2 аш ҡалағы шәкәр менән күпергәнсе туҡыйбыҙ. Унан 3 аш ҡалағы манный ярмаһы, 2 аш ҡалғы ҡаймаҡ (ҡаймаҡ булмаһа, һалмаҫҡа ла мөмкин), 1 сәй ҡалағы лимон (мандарин, әфлисун) һуты менән һүндерелгән аш содаһы һалабыҙ.

Барыһын яҡшылап бутайбыҙ һәм әҙерәк кенә ултыртып торабыҙ. Артабан 6 аш ҡалағы он, 3 аш ҡалағы үҫемлек майы, бер стакан үҙебеҙ теләгән ҡайнатма (варенье) өҫтәйбеҙ. Ҡарағат, ваҡлап киҫелгән ҡара емеш (чернослив) өҫтәп, йәнә яҡшылап бутайбыҙ.

Әҙер ҡамырҙы майланған табаға һалып, 170 градусҡаса ҡыҙҙырылған духовкала 20-30 минут бешерергә кәрәк.

Бәлеш бик тәмле һәм йомшаҡ ҡына килеп сыға.

Сәйҙәрегеҙ тәмле, тормоштарығыҙ йәмле булһын!

(Рецепт асыҡ сығанаҡтарҙан алынды).