“Депутаттар ил, халыҡ мәнфәғәтендә тырышып эшләһендәр”, тине 96 йәшлек Ҡазихан бабай Ишморатов

Ололар ҡыҙҙары Зөһрә апайҙың тәрбиәһендә матур ғына итеп йәшәп яталар. Уларҙың бергә йәшәүҙәренә 72 йыл тулған.

Ишморатовтар 9 балаға ғүмер биргәндәр.

Ҡазихан Шаһиян улы ғүмере буйы леспромхозда тир түккән - мастер, ОРС начальнигы булып эшләгән. Рәүмәнә инәй төрлө эштәр башҡарған: санитарка ла булған, икмәк тә бешергән, һатҡан. Йәш саҡтарында ишле балалар ҡарап та, концерттарҙа  ҡатнашып та өлгөргәндәр улар.

• Депутаттарҙы ысын күңелемдән риза булып һайлайым. Һәйбәт итеп, халыҡ мәнфәғәтендә эшләһендәр. Имен-һау булып, илебеҙ, халҡыбыҙ хәстәре менән янып йәшәһендәр, - тине Ҡазихан Шаһиян улы.

Рәүмәнә апай ҙа уның һүҙҙәрен ҡеүәтләне.

Оҙон ғүмер һәм бәхетле ҡартлыҡ насип булһын уларға!