Эшләргә тырышҡан көн

Быйыл район аграрийҙары мал аҙығы әҙерләү, көҙгө уңыш йыйыу осорон нисек үткәрҙе, ҡышҡа әҙерлек ниндәй кимәлдә – Айгиз Юлай улы менән әңгәмә ошо хаҡта.

- Быйылғы яҙ ҙа, йәй ҙә ҡырыҫыраҡ килде – ауыл хужалығы өсөн еңелдән булманы. Яҙ иген сәскән мәлдә ҡоро торһа, йәйге эҫеләрҙе әйтеп тораһы ла түгел.

Шулай ҙа райондың ауыл хужалығы хеҙмәтсәндәре һәр йәһәттән тырышлыҡ күрһәтте: 705 гектар майҙанға бөртөклө культуралар сәселде, шуның  505 гектар майҙанына сәскән иген юғалтыуһыҙ ғына урып алынды (60 га майҙанда – бойҙай, 50 га майҙанда – арпа, 395 га майҙанда һоло),  200  гектар ерҙә сәселгән иген бесәнгә (зеленка) сабып алынды. Ҡыҫҡаһы,  аграрийҙар һәптеюҡ уңыш алырға өлгәштеләр.