Яуымбайҙар ҙур өмә ойошторған

- Изге эшкә бик күп ауылдаштар ҙур теләк менән сыҡты. Кемдәрҙер йылға буйҙарын таҙартһа, икенселәр балалар баҡсаһының тирә-яғын кәртәләү менән булышты. Кәртәләү өсөн кәрәк-яраҡ материалдар һәм техникалары менән ярҙам итеүсе ауылыбыҙ эшҡыуарҙары Хәйбуллин Фәһим, Ҡарасурин Рәмил, Латыпов Артур, Әлмөхәмәтов Фәнүр, Латыпов Рәмил ярҙам итте.
Өмәлә ҡатнашҡан барлыҡ ауылдаштарға ҡатын-ҡыҙҙарға һәм ир-егеттәргә ҙур рәхмәт! Күмәк көс менән тағын бер ҙур эш башҡарылды. Ауылым тип янып , ошо эштәрҙе ойоштороп йөрөүсе , һәр яҡлапта ярҙам ҡулы һуҙыусы ауылыбыҙ старостаһы Хәйбуллин Фирғәт Мөхәмәт улына афарин! Барыбыҙҙа имен-һау булайыҡ, эштәребеҙ уң, донъяларбыҙ имен булһын! – тип хәбәр итәләр СДК Яумбаево  төркөмөндә. (Фотолар ҙа шул төркөмдән алынды).

Афарин, яуымбайҙар!