Бөрйән ҡыҙына

Сыңланымы сулпылары, әллә
Һәр бер әйткән һүҙе йырлап сыға?
Ҡая-таштар араһында үҫ тә,
Шиғыр-йырһыҙ, имеш, түҙеп ҡара!

Йылмайыуы Ағиҙелдең әллә
Ҡыйғасланып киткән бөгөлө?
Йылҡысыҡҡанкүлдәй төпһөҙ микән
Күҙҙәре лә, күңел сөңгөлө?

Шул күңелдең ете йоҙаҡ серен
Кемдәр генә асып белгәндер?
Тыйнаҡ, әммә ғорур яуапланы:
"Ҡыҙы буламын мин Бөрйәндең".

Айгөл Ғәбитова (Йәмилева).