Йәрминкә мәлендә көн һыуыҡ булыуға ҡарамаҫтан, район үҙәгендәге мосолман, мөслимәләр хәләл кафе ойоштороп, көн оҙон тороп һатыу итеп, “Фурҡан” мәсете төҙөлөшөнә үҙ өлөшөн индерҙе, әлхәмдүлилләһ.
Йәш мөслимәләрҙең “ Тәсним” иттифағы етәксеһе Вәзимә Ғәбитова: “ Һатыу бик шәп барҙы, барып тороп өлгөрмәйһең , аҙыҡ-түлекте ала башлайҙар . Мәсеткә булғанға микән, нәмәләр әҙ булһа ла, һатыуҙан килем һәйбәт сыға. Бешереп ризыҡ килтереүселәргә, былау бешереүсегә, һатыуҙа торгандарға, килеп ашап киткәндәргә лә, саҙаҡа һалыусыларға ла , япма, өҫтәл ҡороусы ағайҙарға - һәммәгеҙгә лә оло рәхмәтебеҙҙе еткерәбеҙ. Һатыуҙан килгән аҡса 46 мең һум булды. Аллаһ Тәғәлә риза булһын барығыҙҙан да!”-ти.
Эйе, йәрминкәләрҙә, төрлө сараларҙа хәләл продукция менән һатыу итеп мәсеткә джәриә саҙаҡаһы керетеү районда матур йолаға әйләнде. Изге эштәрҙә ярышыу – Аллаһ риза булырлыҡ ғәмәлдәрҙән.