“Таҙа Ағиҙел” акцияһының икенсе этабы бара

Уның маҡсаты – республиканың төп йылғаһы булған Ағиҙел йылғаһының беҙҙең районға ағып ингән еренән алып ағып сығып киткән урынына тиклем ярҙарын тәртиптә тотоу. Ағиҙелдең беҙҙең район биләмәһендәге өлөшө райондағы ойошма-учреждениеларға беркетелгән. Хеҙмәт коллективтары яҙыл-көҙлө үҙҙәренә тәғәйен урындарҙы таҙартып тора.

Акция ике этапта үтә: быйыл тәүге этабы 10 майҙан 10 июнгә тиклем, икенсе этабы 15 сентябрҙән 15 октябргә тиклем билдәләнгән.

Хәтерегеҙгә төшөрәбеҙ: “Таҙа Ағиҙел” акцияһының икенсе этабы старт алды.

Төйәгебеҙҙең матурлығы, таҙалығы, төҙөклөгө – беҙҙең ҡулдарҙа.