Уҡыусыларға яңы йыл бүләге

“Атайсал” проекты сиктәрендә Хәләф Хәлфетдин улының булышлығы менән күп балалы, аҙ тәьмин ителгән, ауыр хәлдә ҡалған ғаиләләрҙә тәрбиәләнеүсе уҡыусы балаларға (7-17
йәшлек) мәктәп формалары килтерелгән ине.

Кейемдәрҙе ғаилә хеҙмәтендә яңы йыл байрамдарынан һуң да барып алырға мөмкин. Адресы: Иҫке Собханғол ауылы, Салауат урамы, 30, 2-се ҡат, 7-се бүлмә. Белешмәләр өсөн телефон: 3-66-74. Яңы йылға тиклем 71 ғаиләнән 114 балаға кейемдәр тапшырылған да инде.

Тамсынан күл йыйыла, тигәндәй, бындай эштәр дауамлы булһын, изге ғәмәлдәргә юлдар һәр саҡ асыҡ.