«Был мәғлүмәттәр киләсәгебеҙ өсөн кәрәк»

Әғләм Шәрипов,
ауыл хужалығы фәндәре докторы:

-Халыҡ иҫәбен алыу, әлбиттә, бик кәрәк. Башҡа халыҡтар менән сағыштырғанда, беҙҙең милләт нисек көн итә икәнен билдәләү мөһим.

Йәнә, ғалим булараҡ, шуны әйтергә теләйем: башҡорт халҡының күпме фән кандидаттары, докторҙары бар икәнлеген асыҡлау зарур. Ошо һандарға таянып, киләсәктә йәштәрҙе фән өлкәһенә йәлеп итеү, уларға асылмаған, өйрәнелмәгән фән юлдарын күрһәтеү һәм кандидатлыҡ һәм диссертация эштәрен яҡлауға тиклем алып барып еткереү кәрәк. Икенсе йыл үтәсәк Апимондияла башҡа ғалимдар өсөн ҡыҙыҡлы тикшеренеүҙәре менән уңышлы сығыш яһаусылар булһа, яҡшы буласаҡ.

Халыҡ иҫәбендә алынған мәғлүмәт республикала йәшәүселәрҙең артабанғы йәшәйешен һәм көнкүрешен билдәләү өсөн нигеҙ булып тора.