Тыл ветеранының өйөнә барып концерт күрһәткәндәр

-Балаларға Бөйөк Ватан һуғышының аяуһыҙлығы тураһында төшөндөрөү, Тыуған илгә һөйөү, ветерандарға ҡарата хөрмәт тәрбиәләү маҡсатында ауылыбыҙҙың иң оло кешеһе, тыл ветераны Вәлиева Хәшиә инәйгә барып, уның осрашыу кисәһе үткәреп ҡайттыҡ.

Ветерандар советы рәйесе Яхина Ғилмия Абдулла ҡыҙы, социаль хеҙмәткәр Ғиләжова Нәйлә Нәҙир ҡыҙы, китапханасы Исҡужина Нәзилә Ишбирҙе ҡыҙы инәйгә ҡотлау һүҙҙәрен еткерҙеләр. Балалар Хәшиә инәйгә йыр-бейеүҙәрен бүләк иттеләр.

Хәшиә инәй, күҙ йәштәре аша, балаларға һуғыш, тылдағы йәшәү шарттары тураһында һөйләне, изге теләктәрен еткерҙе.

Уҡыусылар үҙҙәренең дә һорауҙарын бирҙеләр, инәйҙең миҙалдары менән таныштылар, - тип хәбәр итәләр Килдеғол ауыл мәҙәниәт йорто төркөмөндә.