Балалар ата-әсәләре менән бергә ярышты

Иҫке Собханғол урта дөйөм белем биреү мәктәбендә “Ҙур ғаилә уйындары. Беренселәр ғаиләһе” тигән конкурстың мәктәп этабы үтте. Ул “Орлята России” проекты сиктәрендә ойошторолған.

Уҡыусыларҙың ғаиләләре берҙәмлекте, ижади ҡарашты, спортты һәм берҙәм эште үҫтереүгә йүнәлтелгән төрлө команда ярыштарында үҙҙәрен күрһәтте.

Сара бик күп шатлыҡлы мәлдәр һәм ыңғай тойғолар уятты, көс һәм уңыш ғаилә берҙәмлегендә һәм дуҫлыҡта икәнен дәлилләне.

Конкурста Вәлиевтар, Ғәлиндар, Ишморатовтар, Кинйәбаевтар, Шәриповтар, Баймөхәмәтовтар ғаиләләре ҡатнашты.

Һөҙөмтәлә, Вәлиевтар ғаиләһе еңеү яуланы һәм улар ярыштарҙың муниципаль этабында мәктәп исеменән сығыш яһаясаҡ.

Сығанаҡ: https://vk.ru/club146230836