Бөрйәндәр Өфөләге ҙур форумда ҡатнашты

29 мартта Өфө ҡалаһындағы “Торатау” Конгресс-Холында Ғаилә берекмәләренең “Туғандарым-Һөйөклөләрем” («Родные-Любимые») тигән республика форумы үтте.

Башҡортостан Республикаһының төрлө мөйөштәренән 300-ҙән ашыу ғаилә йыйылып, үҙҙәренең тәжрибәләре менән уртаҡлашты, бәйләнеш ептәрен нығытты.

Бөрйән районынан был форумда Йәмилевтар, Ямғурсиндар ғаиләләре, шулай уҡ Беренселәр ата-әсәләр Советы  һәм Бөрйән районы ата-әсәләре Советы рәйесе Флүрә Мырҙағолова ҡатнашты.

Форум сиктәрендә ғаилә мөнәсәбәттәрен нығытыуға йүнәлтелгән бик мауыҡтырғыс оҫталыҡ дәрестәре һәм квиздар, шулай уҡ ата-әсәләр һәм өлкән быуын вәкилдәре өсөн файҙалы лекциялар ойошторолдо.

Флүрә Мырҙағолова Башҡортостан Республикаһы Мәғариф һәм фән министрлығының рәхмәт хаты менән бүләкләнде.

Сығанаҡ:

Администрация Бурзянского района