Өлкәндәрҙең һаулығын ҡайғыртып

Инициатива сиктәрендә республиканың меңәрләгән халҡын үҙ эсенә алған күләмле мәғлүмәт һәм белем биреү саралары үткәрелә. Йыл һайын проект сиктәрендә баҫма һәм электрон киң мәғлүмәт сараларында 100-ҙән ашыу мәғлүмәт материалдары урынлаштырыла. Мәҡәләләр, видео һәм инфографика дөрөҫ туҡланыу принциптары, баланслы рациондың мөһимлеге һәм уның оло йәштәге һаулыҡҡа йоғонтоһо тураһында һөйләй. Бындай материалдар өлкән быуын граждандарына көндәлек тормошта еңел ҡулланырға мөмкин булған ябай һәм аңлайышлы тәҡдимдәрҙе еткерергә ярҙам итә.

Белем биреү сараларына айырыуса иғтибар бүленә. Проект сиктәрендә «Һаулыҡ мәктәптәре» семинарҙар, оҫталыҡ дәрестәре һәм лекциялар ойошторола, улар оло йәштәгеләр араһында популяр булып киткән. Мәҫәлән, "Өлкәндәр мәктәбе", "Инсульт мәктәбе", "Ҡан тамырҙары патологияһы мәктәбе«, "Глаукома мәктәбе" һәм "Өсөнсө йәш мәктәбе" дәрестәр үткәрә, унда белгестәр ауырыуҙарҙы иҫкәртеү тураһында ғына түгел, ә дөрөҫ туҡланыуҙың мөһимлеге тураһында ла һөйләй. Ҡатнашыусылар рационды йәш үҙенсәлектәрен иҫәпкә алып нисек төҙөргә, ниндәй аҙыҡ-түлек һаулыҡты һаҡларға ярҙам итә һәм файҙалы ризыҡтар әҙерләргә өйрәнә.