Еңел генә эшләнә торған тәмлекәс

Берәй ятыраҡ ризыҡ менән сәй эскегеҙ килеп китһә, ошо ябай ғына, еңел генә, тәмле генә рецепты ҡулланып ҡарағыҙ.

500 г печенье, 200 г аҡ май, 4 аш ҡалағы какао, яртыстакан һөт, 200 г шәкәр кәрәк була.

Печеньены туҡмас таяғы менән ваҡлайбыҙ. Иретелгән майға һөт һәм шәкәр ҡушып болғатабыҙ. Артабан какао, ваҡланған печенье өҫтәп, бер төрлө масса килеп сыҡҡансы бутайбыҙ.

Килеп сыҡҡан массаны аҙыҡ-түлек пленкаһына һалып, шоколад колбасаһы формалаштырабыҙ. Ныҡлап урап, 2.5-3 сәғәткә һыуытҡысҡа һалып торабыҙ.

Сәйҙәрегеҙ тәмле булһын!