ҠЫШТАР АҠ УЛ... А. Ғарифуллина.

Ҡыштар аҡ ул һаман элеккесә,
Эңерҙәре һаман бөләңгерт.

Күктән бирер, тиеп уйлағанды
Сабыр ғына итеп ерҙән көт.
Ҡыштар әүәлгесә ажар әле
Бүрәнәләр шартлап ярыла.
Ғырш-ғырш килә табан аҫтарында
Өшөп кенә ятҡан ҡары ла.
Ҡыштар аҡ ул һаман боронғоса –
Әскелт төтөн ауыл өҫтөндә.
Төндәре йыл булып тойолалар
Көнө ҡыҫҡа булған өсөн дә.
Ҡыштар аҡ ул әлмисаҡтан бирле,
Үҙгәрәбеҙ бары үҙебеҙ.
Тик тыныслыҡ китте миҙгелдәрҙән –
Имен һиллек ҡуйҙы күҙегеп...

Айһылыу Ғарифуллина.