+4 °С
Болотло
Иртәнән ямғыр бешә –
Мырҙаған ҡарҙы тишә.
Йәшәргән боҙ Иҙелдә –
Ҡыбырларына билдә.
Ләйсән микән беренсе
Яҙ сәләмен биреүсе?
Ҡар башына етер ҡар -
Ҡышҡа инде урын тар.
Тиртер, бүртер бөрөлөр,
Бөжәк-ҡорто терелер.
Ҡымырйыр бөтә терек,
Яҙ еҫенә иҫереп.
Иртәнән ямғыр тетә –
Көрттәр һимеп, ҡыш бөтә.
Өр -яңы ғына яҙҙан
Барыһы бәхет көтә...
Айһылыу Ғарифуллина
ҺИМӘ* – кәмей, шиңә