+2 °С
Болотло
Субырлап аға, ҡарале,
Боҙбармаҡтың йәштәре.
Иҙерәне. Ә бит ҡышын
Ҡылыс булып йәшәне.
Тамсы тамып ташты тиште -
Тояҡ эҙендәй уйым.
Иретер, наҙлыҡай бит яҙ -
Уйылыр хатта суйын.
Илай-илай ҡыш ҡарышыр,
Буран-ҡарына сорнап.
Талдарҙа, юҡ, түгел уйнап,
Бөрөләр тиртер, морнап.
Көлә-көлә яҙым килер
Йәшәлмәгән. Өр-яңы.
Ҡояш нуры моңға мансыр
Түл ейәсәк донъяны!
Айһылыу Ғарифуллина