ҠЫШ ҠЫЛЫР

Ҡусҡыл болотонан иләп,

Ҡыш күндерҙе сәләмен.

Берауыҡҡа йәйҙе унан

Күҙ сағылтҡыс әләмен.

Ирене яуған ҡары ла,

Туңаҙытмай болғаны.

Ашып китте, ташып китте

Шундуҡ инеш-йылғаһы.

Ноябрҙә йылы тора,

Ҡырауһыта иртә-кис.

Мал иркенләп ҡырҙа йөрөй –

Һәрмәнеүҙән ялҡмай һис.

Шыҡырайтыр инде килеп –

Һәр нәмә көтә мөҙҙәт.

Ҡарышмай, биләмә бирер

Сираттағы был көҙ ҙә.

Ҡусҡыл болоттар түгелер

Ынйы һәм мәрйен булып.

Ҡыш бит ул. Ажарын юймаҫ –

Ҡылыуын ҡылыр ҡылыҡ...

Айһылыу Ғарифуллина