Бөтә яңылыҡтар
Әҙәби бит
10 Октябрь 2023, 21:30

КӨҘ ЙӘМЕ

Баҙрап торған тере ҡуҙҙар Күҙҙәремде яндырҙы. Көҙ йәмен тиреп аҡланда Танһығымды ҡандырҙым...

КӨҘ ЙӘМЕ
КӨҘ ЙӘМЕ

Баҙрап торған миләш ҡуҙы

Йөрәгемде өтәлер.

Мең төҫтәрен балҡытып көҙ

Арабыҙҙан китәлер.

Үтатма булған урмандың

Ылҡаһын ҡалдырмай ел.

Илай тәҙрә быялаһы –

Ямғырлы булды быйыл.

Баҙрап торған тере ҡуҙҙа

Устарымды бешерҙем.

Ҡырауҙан тат ала емеш –

Ҡолағына төшөрҙөм.

Сырҡ-сырҡ иткән байғош ҡоштоң

Дуҫ-иштәрһеҙ ҡалғаны.

Йырсылары китеп бөттө –

Көйөн ота алманым.

Баҙрап торған тере ҡуҙҙар

Күҙҙәремде яндырҙы.

Көҙ йәмен тиреп аҡланда

Танһығымды ҡандырҙым...

Айһылыу Ғарифуллина

Автор:Айсылу Гарифуллина
Читайте нас в