Бауырға файҙалы

Был сәләмәтлек өсөн бик тә файҙалы эсемлекте эшләү өсөн һоло (ярмаһы түгел, һоло үҙе), һыу ғына кәрәк. Төнәтмә түбәндәгесә яһала.

Һолоно яҡшылап йыуырға һәм 1 стакан һоло өҫтөнә 1 литр һыу ҡойорға. Унан утҡа ултыртып, ҡайнау температураһына еткерергә. Ләкин ҡайнатырға ярамай! Һауытты уттан алып, 1-2 сәғәткә яҡшы итеп берәй нәмә менән һәйбәтләп урап ҡуйырға кәрәк. Аҙаҡ һөҙөп алабыҙ.

Нисек эсергә һуң был төнәтмәне? ½ стаканлап (ярты стакан) көнөнә өс тапҡыр ашарҙан 20-30 минут элек эсергә.

Курс – 2 аҙна. 7 көндән һуң тағы ҡабатларға мөмкин.

Шифаһы тейһен!

(Ҡулланыр алдынан табип менән кәңәшләшергә онотмағыҙ).