Медиктар артасаҡ

Башҡортостанда медицина колледждарына студенттар күберәк ҡабул ителә. Яңы медицина колледждары асыла. Урал аръяғында ла көҙгә яңы филиал ишектәрен асасаҡ.

Республикала медицина һөнәрҙәренә ҡабул итеү 950 урындан 1 750-гә тиклем арта. Бынан тыш, Нефтекамала, Учалыла, Октябрьскийҙа һәм Мәсәғүттә медицина колледждарының филиалдары асылды - был яҡынса өҫтәмә 700 студент. Көҙөн Аҡъярҙа филиал асыу күҙаллана..
Табиптарға аҙ халыҡ йәшәгән урындарҙа эшләгән өсөн өс йыл дауамында йыл һайын миллион һум түләнә. Йөҙгә яҡын кеше бындай тәүге түләүҙе алған да инде.