Киләһе йылда республикала 135 модулле ФАП төҙөлөүе күҙаллана

Бөрйән районында ошо проект сиктәрендә пациенттарҙы ҡабул итеү һәм медиктарға эшләү өсөн уңайлы шарттар булдырылған, замана стандарттарына һәм санитар нормаларға тура килгән, халыҡҡа сифатлы медицина ярҙамы күрһәтеү өсөн кәрәкле медицина техникаһы, инструменттар, мебель менән йыһазландырылған 12 ФАП төҙөлгән.

“Уҙып барған йылда 5 ауылда заман талаптарына яраҡлаштырылған модулле ФАПтар асылды һәм яҡын арала Ырғыҙлы, Аҫҡар, Килдеғол ауылдарында ла яңы пункттарҙың сафҡа инеүе планлаштырыла. Дөйөм алғанда, яңы йылға ҡәҙәр районда 15 ауылда өр-яңы ФАП-тар урындағы халыҡ мәнфәғәтенә хеҙмәт итәсәк. Ә 2027 йылға уларҙың иҫәбе 25-кә етәсәк тип торабыҙ. Шулай уҡ 10 ауылда ФАП яны аптекалары булдырыу тураһында һөйләшеүҙәр алып барыла”, - ти район үҙәк дауаханаһының баш табибы Тимур Насыров.