Сирҙең кәмеүе күҙәтелә

 Сирҙең 50 процентҡа кәмеүе күҙәтелә.

Сирләүселәрҙән 1 кеше – пенсия йәшендә, 3 кеше – хеҙмәткә яраҡлы йәштә, йәнә 14 йәшкә тиклемге 2 бала сирләгән. Әтектән 2 кешенең, Иҫке Собханғол, Яңы Собханғол, Мораҙым ауылдарынан 1-шәр кешенең, Иҫке Собханғолға туғандарына килгән Белорет кешеһенең анализдары ыңғай һөҙөмтә биргән.

Ғинуар башынан алып районда 1408 кеше сирләгән. Шуның эсенән 428 осраҡ балаларға һәм үҫмерҙәргә тура килә. 678 кеше – хеҙмәткә яраҡлылар, 302 кеше – пенсия йәшендәгеләр.
Шулай уҡ үткән аҙнала пневмония менән 60 йәштән өлкән 1 кеше сирләгән. Ул район дауаханаһында дауалана.

23 октябргә ҡарата район дауаханаһына 17893 доза вакцина алынған.

Вакцинаның беренсе компонентын 13526, икенсе компонентын 12539 кеше яһатҡан. Әле район дауаханаһында 4445 доза вакцина бар. Үткән аҙнаға ҡарағанда вакцина яһау темпы 2 тапҡырға артҡан.