Бөтә яңылыҡтар

Ҡарағаттан желе, джем, ҡайнатма эшләү ысулдары

Баҡсаларҙа ҡарағаттың мөлдөрәп бешкән мәле. Шуға һеҙгә, ҡәҙерле дуҫтар, ҡарағаттан ҡайнатма, желе, джем эшләү буйынса еңел генә ысулдар тәҡдим итәбеҙ.

Ҡарағаттан желе, джем, ҡайнатма эшләү ысулдары
Ҡарағаттан желе, джем, ҡайнатма эшләү ысулдары

Ҡарағаттан желе

10 стакан ҡарағатҡа 4 стакан һыу, 14 стакан шәкәр алына.

Ҡарағатҡа һыу ҡойоп, уртаса утҡа ҡуябыҙ. Ҡайнап сыҡҡас, теүәл 7 минут бешерәбеҙ. Шәкәр өҫтәп, тағы 5 минут ҡайнатабыҙ.

Бына желе әҙер. Стерилләнгән банкаларға һалып, тимер ҡапҡас менән нығытырға ғына ҡалды. Һыуынғас, желе барлыҡҡа килә.

*

Ҡарағаттан желе эшләүҙең тағы бер ысулы

2 кило 300 грамм ҡарағатҡа 2 стакан һыу ҡойоп, ҡайнатып сығарабыҙ һәм 15 минут бешерәбеҙ. Унан 2 кг 500 грамм шәкәр өҫтәйбеҙ (9 стакан) һәм ҡайнап сыҡҡас, 15 минут ҡайнатабыҙ.

Желе әҙер. Стерилләнгән банкаларға һалып, нығытырға кәрәк.

*

Ҡарағаттан джем

1 кг ҡарағатҡа 1 кг шәкәр алына. Һыу кәрәкмәй. Ҡарағатты йыуып, блендер аша үткәрәбеҙ һәм өҫтөнә шәкәр һалып, яҡшылап бутайбыҙ. Ҡайнап сыҡҡас, 5 минут ҡайнатабыҙ. Күбектәрен алырға кәрәк. Һыуынғас, йылытып, тағы 2 минут күпертеп алабыҙ. Стерилләнгән банкаларға тултырып, һалҡын урынға ҡуйырға кәңәш ителә.

*

Ҡара ҡарағаттан ҡайнатма
Ҙур һауытҡа 6 стакан һыу, 10 стакан шәкәр ҡомо һалып, ҡайнатырға ҡуябыҙ. Ҡайнап сыҡҡас, утты кәметеп, 20 минут тағы ҡайнатабыҙ.

20 минут үткәс, был шәрбәткә 15 стакан йыуылған ҡарағат һалырға кәрәк. Ҡайнап сыҡҡас, теүәл 5 минут утта тотабыҙ. Күбеген йыйып алабыҙ.

Ҡайнатмаға тағы 15 стакан шәкәр ҡушып, иреп бөткәнсе болғатабыҙ. Һыуынғас, банкаларға тултырабыҙ.

 

Ҡарағаттан желе, джем, ҡайнатма эшләү ысулдары
Ҡарағаттан желе, джем, ҡайнатма эшләү ысулдары
Ҡарағаттан желе, джем, ҡайнатма эшләү ысулдары
Ҡарағаттан желе, джем, ҡайнатма эшләү ысулдары
Автор:Тансылу Багаутдинова
Читайте нас: