“Фундаменталь трансляция медицинаһы федераль тикшеренеү үҙәгенең айырыуса хәүефле инфекциялар лабораторияһы начальнигы, вирусология профессоры, биология фәндәре докторы Александр Чепурнов иҫәпләүенсә, бер айҙан Рәсәйҙә ковидтың яңы тулҡыны башлана.
Уның һүҙҙәренсә, быға «стелс-омикрон» штамы сәбәпсе булыуы ихтимал.
Инфекцияның был варианты «омикрон» менән сағыштырғанда бик тиҙ таралмаҫҡа тейеш, тип билдәләне Чепурнов.
«Бер айҙан «стелс-омикрон» килеп етер тип уйлайым. Әлеге ваҡытта Ҡытайҙа сир йоҡтороу осраҡтары күп, сөнки ул ныҡ әүҙем, хатта ҡытайҙар ҙа үҙҙәренең супердисциплинаһы һәм суперсаралары менән уны еңә алмай», — тип белдерҙе белгес”, тип хәбәр итә “Башинформ” мәғлүмәт агентлығы.
Шулай итеп, бер айҙан коронавирустың яңы тулҡыны көтөлә. Хәйер, уны көткән кеше юҡ инде ул. Әрһеҙләшеп йөрөй инде тажзәхмәт...