Заман афәтенә ҡаршы - күмәкләп

Район мәҙәниәт һарайында эскелек темаһына арналған кәңәшмә үтте.

Унда район хакимиәте башлығы Ғ. Манапов, судья Ф. Хәсәнов, район прокуроры Ф. Ғәйетҡолов, эске эштәр бүлексәһе начальнигы урынбаҫары И. Ишҡолов, райондың имам-мөхтәсибе Х. Зарипов, ауыл хакимиәттәре башлыҡтары, әүҙем йәмәғәтселәр, ойошма, учреждениелар етәкселәре, вәкилдәре, белгестәр, имамдар ҡатнашты.

Район хакимиәте башлығы Ғ. Манапов, кәңәшмәне асып:
-Ғинуар айында ғына эскелек арҡаһында 5 гражданыбыҙ яҡты донъянан китте. Былтырғы йылда Байназар зонаһында ошо арҡала сабый баланы юғалттыҡ, эскелек арҡаһында Байназар ауылында бер кеше тапалып үлде. Аҙна һайын тиҫтәләгән көнкүреш талаш-ыҙғыштары сығып тора: һуғышыу, туҡмау, урлашыу - бөтәһендә лә сәбәп эскелеккә бәйле. Әлеге көндә ҡылынған енәйәттәрҙең 80 проценты эскелек арҡаһында килеп сыҡҡаны мәғлүм.

Беҙ, ғәҙәттә, һөҙөмтәләр менән көрәшәбеҙ, ә нилектән килеп сыҡҡанына иғтибар итмәйбеҙ. Әлбиттә, биләмәләрҙә йәмәғәт ойошмалары, ағинәйҙәр, ҡатын-ҡыҙҙар советтары һәм башҡалар эшләй. Улар эскелеккә ҡаршы көрәшергә тырышалар. Әммә был ғына әҙ. Эскелеккә ҡаршы көрәштә беҙҙең көс бермә-бер артырға, даими булырға тейеш. Һеҙҙән эшлекле тәҡдим-кәңәштәр көтәбеҙ, - тине.

Район советы юрисы И. Мәхмүтов законһыҙ алкоголь һатҡан өсөн ниндәй закондар барлығы, ниндәй яза ҡаралғанлығы хаҡында һөйләне.

- Спиртлы эсемлектәрҙең шәхси йорттарҙан һатылыуы - халыҡты борсоған иң киҫкен мәсьәлә. Алкоголле һәм составында спирт булған продукцияны законһыҙ ваҡлап һатҡан кешеләргә 30-50 меңгә тиклем, шәхси эшҡыуарҙарға 100-200 меңгә тиклем штраф ҡаралған. Административ хоҡуҡ боҙған кеше бер йыл эсендә икенсе тапҡыр эләкһә, енәйәт эше ҡуҙғатыла. 50-80 меңгә тиклем йә 6 айлыҡ эш хаҡы йәки бүтән килеме күләмендә штраф, йә 1 йылдан 3 йылға тиклем холоҡ төҙәтеү эштәре янай.

Материалдың тулы вариантын "Таң" гәзитенән уҡығыҙ.